د کیفیت لوړونې عمومي کمېټې غونډه تر سره شوه.
د کیفیت لوړونې عمومي کمېټې غونډه تر سره شوه.
د افغان نړیوال اسلامي پوهنتون د کیفیت لوړونې عمومي کمېټې غونډه د علمي چارو مرستیال پوهنوال دوکتور عبدالواحد لیاقت په مشري ترسره شوه، چې پکې د پوهنتون د معاونیتونو مرستیالانو، د پوهنځیو رئیسـانو او د کیفیت لوړونې کمېټې غړو ګډون درلود.
د غونډې په پیل کې د علمي چارو مرستیال پوهنوال دوکتور عبدالواحد لیاقت ګډونوالو ته د ښه راغلاست تر څنګ د کیفیت لوړونې کمېټې ارزښت او اهمیت اړوند وینا وکړه، دوکتور عبدالواحد لیاقت وویل چې د کیفیت ټینګښت او دوامداره ارزونه د لوړو زده کړو د پرمختګ اساسي بنسټ جوړوي.
ورپسې د غونډې د اجندا مطابق د کمېټې د تېرې مودې له مهمو فعالیتونو او لاسته راوړنو څخه د معاونیتونو او پوهنځیو لپاره د چک لېستونو ترتیب، د معاونیتونو، پوهنځیو او ډیپارټمنټونو ارزونه او د کارکوونکو د کړنو مثبتې پایلی او د راتلونکي کال لپاره د اړوندو کمېټو کاري پلانونو پر موضوعاتو بحث تر سره شو.
د غونډې په پای کې د علمي چارو مرستیال دوکتور عبدالواحد لیاقت د کیفیت لوړونې له کمېټې مننه وکړه او د هغوی تر سره شوې کړنې یې د ستاینې وړ وبللې. نوموړي ټینګار وکړ چې کمېټه دې په راتلونکي کې نورې هم خپلې هڅې لا پیاوړې کړي او د پوهنتون د علمي معیارونو د لوړولو لپاره دې لا زیات کار وکړي.
سه شنبه: ۱۲/۱۲/۱۴۰۴
د نشراتو او عامه اړیکو آمریت
