د نصاب عمومي کمېټې نوبتي غونډه ترسره شوه.
د نصاب عمومي کمېټې نوبتي غونډه ترسره شوه.
د افغان نړیوال اسلامي پوهنتون د نصاب عمومي کمېټې نوبتي غونډه د علمي چارو مرستیال، پوهنوال دوکتور عبدالوحد لیاقت په مشرۍ ترسره شوه.
د نصاب عمومي کمېټه د پوهنتون له مهمو علمي ارګانونو څخه ګڼل کېږي چې د تدریسي برنامو د کیفیت د لوړولو، د معیاري نصابونو د برابرولو او د محصلانو د اړتیاوو سره سم د تعلیمي محتوا د تنظیم او پراختیا په برخه کې مهم رول لري.
په دې غونډه کې د تېرې مودې ترسره شویو فعالیتونو او لاسته راوړنو ارزونه وشوه او اړوند راپور د ګډونوالو سره شریک شو. وروسته د غونډې په جریان کې د ټولو پوهنځیو د پخوانیو تحصیلي برنامو د نصابونو د ارزونې، د نوو تحصیلي برنامو د نصابونو د تأیید، او همدارنګه د ټولو پوهنځیو لپاره د نیازسنجۍ د فورمو د ترتیب او جوړولو په اړه هر اړخیز بحث ترسره شو.
ګډونوالو د یادو موضوعاتو په اړه خپل نظرونه او وړاندیزونه شریک کړل او د نصاب د لا ښه والي او د تدریسي کیفیت د پیاوړتیا په موخه لازمې پرېکړې وشوې.
دوشنبه: ۱۸/۱۲/۱۴۰۴
د نشراتو او عامه اړیکو آمریت
