د افغان نړیوال اسلامي پوهنتون پر خدماتي کار کوونکو ژمنۍ الباسه وویشل شوه
په دې اړه جوړو شوو مراسمو کې د افغان نړیوال اسلامي پوهنتون سرپرست رئیس پوهندوی ډاکټر رفیع الله عطاء د خدماتي کار کوونکو خدمات او کړنې وستایلي او ویې ویل چې د اسلامي نظام په هره برخه کې خدمت کول یو عظیم عبادت دی او پکار ده چې مونږ او تاسې دا عبادت په ډېر ښه شکل سره ترسره کړو.
وروسته د پوهنتون سرپرست رئیس پوهندوی ډاکټر رفیع الله عطاء، مالي او اداري مرستیال قاري عبدالستار حیدري، د دفتر آمر قاري محمد لقمان حیدري او نظامي مسوول قاري محمد جاوید فیضان په خپلو مبارکو لاسونو خدماتي کار کوونکو ته ژمنۍ الباسه، چې یوه جوړه کالي او بوټ پکې شامل وو ورکړل.
ڼېټه : پنجشنبه
۱۴۰۲/۱۰/۱۴ هـ ش ـــــــ ۱۴۴۵/۰۶/۲۱ هـ ق
