د امیرالمؤمنین حفظهالله تعالی عاه د فرامینو د تشریح او د لوړو زده کړو په سیستم کې د پوهنتونونو د نسلونو د ارزونې تر عنوان لاندې علمي سیمینارونه ترسره شول.
د امیرالمؤمنین حفظهالله تعالی عاه د فرامینو د تشریح او د لوړو زده کړو په سیستم کې د پوهنتونونو د نسلونو د ارزونې تر عنوان لاندې علمي سیمینارونه ترسره شول.
د افغان نړیوال اسلامي پوهنتون د علمي چارو معاونیت لخوا د امیرالمؤمنین حفظهالله تعالی عاه د فرامینو تشریح او د لوړو زده کړو په سیستم کې د پوهنتونو نسلونو ته تر کتنې عنوان لاندې سیمینارونه تر سره شوه.
په دغو علمي ناستو کې د پوهنتون د علمي چارو معاونیت، اداري معاونیت، د پوهنځیو استادانو او د پوهنتون د رهبرۍ غړو ګډون درلود.
د غونډې په پیل کې د علمي چارو معاونیت مرستیال پوهنوال دوکتور عبدالواحد لیاقت ګډوڼوالو ته د ښه راغلاست وینا وکړه او د سیمینارونو پر موخو او ارزښت یې رڼا واچوله. ورپسې د امیرالمؤمنین حفظهالله تعالی عاه د فرامینو تشریح د همدې معاونیت مرستیال له لوري وړاندې شوه. نوموړي د فرامینو پر بېلابېلو مادو تفصیلي بحث وکړ او په ځانګړي ډول یې د لمانځه پر اهمیت او د جماعت په فضیلت ټینګار وکړ، نوموړي څرګنده کړه، چې لمونځ باید په جماعت سره اداء شي، ځکه چې په جماعت کې د لمانځه ثواب او ټولنیز اغېز ډېر دی.
له دې وروسته د لوړو زده کړو په سیستم کې د پوهنتونونو د نسلونو د ارزونې تر سرلیک لاندې بل علمي سیمینار د انجینري پوهنځي استاد پوهندوی دوکتور عارف نعیم زاد له لوري وړاندې شو. نوموړي په خپلو څرګندونو کې وویل چې د پوهنتونونو په نوي نسل کې باید پر علمي څېړنو، نوښت او عملي مهارتونو ځانګړی تمرکز وشي، څو تحصیلي بنسټونه د ټولنې واقعي اړتیاوو ته ځواب ویونکي شي.
د غونډې په وروستۍ برخه کې ګډونوالو ته د پوښتنو او نظریاتو د شریکولو فرصت ورکړل شو، چې د سیمینار وړاندې کوونکو له لوري ورته هر اړخیز او قناعت بښونکي ځوابونه وړاندې شول.
افغان نړیوال اسلامي پوهنتون د اسلامي ارزښتونو او د لوړو زده کړو د پالیسۍ په رڼا کې د علمي او فکري ودې لپاره دا ډول سیمینارونه تنظیموي، تر څو د رهبرۍ د فرامینو عملي تطبیق او د پوهنتوني نسلونو علمي پیاوړتیا تأمین شي.
د نشراتو او عامه اړیکو آمیریت
