د عـ.ـالیقـ.ـدر امـ.ـیرالمؤمنـ.ـین (حفـ.ـظه الله تعالی ورعاه) د فرامینو تشریح او د نشه یي توکو پر وړاندې د مبارزې په اړه علمي سیمینار ترسره شو.
د عـ.ـالیقـ.ـدر امـ.ـیرالمؤمنـ.ـین (حفـ.ـظه الله تعالی ورعاه) د فرامینو تشریح او د نشه یي توکو پر وړاندې د مبارزې په اړه علمي سیمینار ترسره شو.
نن دوشنبه، د افغان نړیوال اسلامي پوهنتون د علمي چارو معاونیت اړوند د مسلکي پرمختیا مرکز له لوري د عـ.ـالیقـ.ـدر امـ.ـیرالمؤمنـ.ـین (حفـ.ـظه الله تعالی ورعاه) د فرامینو تشریح او د نشه یي توکو پر وړاندې مبارزې تر سرلیک لاندې یو ورځنی علمي سیمینار ترسره شو، چې په کې د پوهنتون د رهبرۍ شورا غړو او استادانو ګډون کړی و.
غونډه د علمي چارو مرستیال، پوهنوال دوکتور عبدالواحد لیاقت، په پرانیستونکې وینا پیل شوه. نوموړي د عـ.ـالیقـ.ـدر امـ.ـیرالمؤمنـ.ـین (حفـ.ـظه الله تعالی ورعاه) د توشیح شویو فرامینو او عقیدوي کتاب اړوند مهم موضوعات تشریح کړل او ګډونوالو ته یې د فرامینو د تطبیق اهمیت بیان کړ.
همدارنګه نوموړي د توشیح شویو فرامینو له ډلې د انساني قاچاق اړوند فرمان په تفصیل سره وړاندې کړ او څرګنده یې کړه، چې انساني قاچاق د اسلامي شریعت له مخې ناروا عمل دی. هغه د عامه پوهاوي پر لوړولو ټینګار وکړ، ترڅو خلک د ناقانونه لارو د هېواد پرېښودو له ناوړه پایلو څخه خبر او له دغه ډول هڅو څخه ډډه وکړي.
ورپسې د طب پوهنځي استاد پوهنوال دوکتور حمیدالله حامد د نشه یي توکو د پېژندنې، ډولونو او د انسان پر روغتیا، کورنۍ او ټولنه د هغوی د ناوړه اغېزو په اړه علمي پریزنټېشن وړاندې کړ او د نشه یي توکو د مخنیوي په برخه کې یې د ګډې همکارۍ او عامه پوهاوي پر ارزښت ټینګار وکړ.
د سیمینار په پای کې ګډونوالو خپلې پوښتنې او نظرونه شریک کړل، چې د وړاندې کوونکو استادانو له لوري ورته هر اړخیز او قناعت بښونکي ځوابونه وړاندې شول.
د یادونې وړ ده، چې افغان نړیوال اسلامي پوهنتون د علمي او عامه پوهاوي د پروګرامونو په دوام د ورته سیمینارونو په جوړولو سره د علمي کچې د لوړولو او د ټولنې د پوهاوي په پیاوړتیا کې خپل اغېزمن رول ادا کوي.
دوشنبه ۱۴۰۵/۴/۸هـ.ش ۱۴۴۸/۱/۱۱هـ.ق
د نشراتو او عامه اړیکو آمریت
