د علمي چارو معاونیت تر چتر لاندې د مسلکي ظرفیت لوړونې عمومي مدیریت له لوري د علمي کادر غړو د دندو، مکلفیتونو او د عالیقدر امیرالمؤمنین حفظه الله تعالی ورعاه د فرامینو د تدریس او تشریح تر عنوان لاندې یو ورځنی علمي سیمينار ترسره شو
د علمي چارو معاونیت تر چتر لاندې د مسلکي ظرفیت لوړونې عمومي مدیریت له لوري د علمي کادر غړو د دندو، مکلفیتونو او د عالیقدر امیرالمؤمنین حفظه الله تعالی ورعاه د فرامینو د تدریس او تشریح تر عنوان لاندې یو ورځنی علمي سیمينار ترسره شو.
د سیمينار په پیل کې د پوهنتون سرپرست رئیس پوهندوی دوکتور رفیعالله عطاء ګډونوالو ته د ښه راغلاست تر څنګ وینا وکړه او د عالیقدر امیرالمؤمنین حفظه الله تعالی ورعاه د فرامینو د تدریس او تشریح په اړه یې بشپړ وضاحت وړاندې کړ.
ښاغلي رئیس صاحب د غم او ښادۍ په اړه د امیرالمؤمنین حفظه الله تعالی ورعاه د فرامینو د تدریس پر مهال یادونه وکړه، چې په دې دواړو حالاتو کې باید د غیر شرعي کړنو او بې ځایه مصارفو مخه ونیول شي.
ورپسې د علمي چارو مرستیال دوکتور عبدالواحد لیاقت له لوري د استادانو د دندو او مکلفیتونو په اړه چمتو شوې علمي موضوع وړاندې شوه، او استادانو ته د هغوی د علمي او اداري مسؤلیتونو په اړه لازمې لارښوونې وشوې.
د یادونې وړ ده، چې د افغان نړیوال اسلامي پوهنتون د عالیقدر امیرالمؤمنین حفظه الله تعالی ورعاه د فرامینو د تشریح او تطبیق په موخه بېلابېل فعالیتونه ترسره کوي، چې پکې د علمي سيمینارونو تنظیم، د ټولنیزو رسنیو له لارې د عامه پوهاوي ډیزاینونه، د مسجد له ممبر څخه تدریس او همدارنګه د پوهنتون په داخلي سکرینونو کې د ویډیو له لارې نشرات شامل دي.
د نشراتو او عامه اړیکو آمریت
