د پنځو خالي اداري بستونو لپاره آزموینه واخیستل شوه.
د پنځو خالي اداري بستونو لپاره آزموینه واخیستل شوه.
نن چهار شنبه چې د روان کال ۱۴۰۴ سلواغې میاشتې له ۲۲مې نېټې برابره ده، د افغان نړیوال اسلامي پوهنتون له خوا د پنځه خالي اداري بستونو آزموینه واخیستل شوه.
دغه آزموینه کار اهل کار ته د سپارلو په موخه د آزاد رقابت له لارې د پوهنتون په عمومي تالار کې له ۱۳۰ تنه نوماندانو څخه د افغان نړیوال اسلامي پوهنتون د مالي او اداري چارو مرستیال قاري عبدالستار "حیدري" او د آزموینې عمومي کمیټې په حضور کې ترسره شوه.
د آزموینې په پیل کې د آزموینې کمېټې غړی د زراعت پوهنځي رئیس پوهندوی دوکتور حميدالله "یونسي" ګډونوالو ته د ښه راغلاست ویلو ترڅنګ د آزموینې پروسې د شفافیت په اړه ډاډ ورکړ. نوموړي وویل چې افغان نړیوال اسلامي پوهنتون ژمن دی، څو د آزادې سیالۍ له لارې وړ او مسلکي کسان پر دندو وګماري.
د یادونې وړ ده، چې افغان نړیوال اسلامي پوهنتون هڅه تل دا وي، چې د اداري او علمي چارو د پیاوړتیا په موخه د آزادو سیالیو له لارې د کارکوونکو ګمارنې ته لومړیتوب ورکړي؛ تر څو وړ کسان په دندو وګمارل شي او ورسپارل شوي مسؤلیتونو په ښه توګه ترسره کړي.
د نشراتو او عامه اړیکو آمریت
