اداري کارکوونکو ته د کمپیوټر اساسي پروګرامونو څخه د استفادې تر سرلیک لاندې څوارلس ورځنی ورکشاپ پیل شو.
اداري کارکوونکو ته د کمپیوټر اساسي پروګرامونو څخه د استفادې تر سرلیک لاندې څوارلس ورځنی ورکشاپ پیل شو.
د افغان نړیوال اسلامي پوهنتون د مالي او اداري چارو معاونیت اړوند د کارکوونکو چارو آمریت لخوا د اداري کارکوونکو د مسلکي وړتیاوو لوړولو او د کاري ستونزو د حل په موخه، «د کمپیوټر اساسي پروګرامونو څخه د استفادې» تر سرلیک لاندې څوارلس ورځنی ورکشاپ پیل شو. د ورکشاپ په ترڅ کې به ګډونوالو ته د کمپیوټر د سالمې او اغېزمنې کارونې، د اساسي پروګرامونو د پېژندنې او په ورځنیو اداري چارو کې د عملي کارونې په اړه اړین معلومات او عملي لارښوونې وړاندې شي. د دغه ورکشاپ موخه اداري کارکوونکو ته د کمپیوټري مهارتونو پیاوړتیا، او له کمپیوټري پروګرامونو څخه د اغېزمنې استفادې په برخه کې د ظرفیت لوړول دي. د افغان نړیوال اسلامي پوهنتون اداره د کارکوونکو مسلکي پرمختګ ته ځانګړې پاملرنه کوي او هڅه کوي، چې د ورته روزنیزو ورکشاپونو او مسلکي پراختیايي پروګرامونو له لارې د کارکوونکو وړتیاوې لوړې او د هغوی د ورځنیو کاري چارو د لا اغېزمن ترسره کولو زمینه برابره کړي. د نشراتو او عامه اړیکو آمریت یکشنبه ۱۴۴۸/۳/۸/۱۶هـ.ق ۱۴۰۵/۶/۸هـ.ش
