د عقیدې کتاب تدریس او د علمي برنامو کلنۍ ارزونې بیا کتنې تر عنوانونو لاندې سیمینارونه ترسره شول.
د عقیدې کتاب تدریس او د علمي برنامو کلنۍ ارزونې بیا کتنې تر عنوانونو لاندې سیمینارونه ترسره شول.
د علمي چارو معاونیت اړوند د مسلکي پرمختیا مرکز له لورې د «عقدې کتاب تدریس» او همدارنګه د « د علمي برنامو کلنۍ ارزونې بیا کتنې» تر عنوان لاندې سیمینارونه وړاندې شول، چې د افغان نړیوال اسلامي رهبرۍ غړو او د بېلابېلو پوهنځیو استادانو ګډون کړی وه.
په لومړي سیمینار کې د پوهنتون سرپرست رئیس پوهنوال دوکتور رفیع الله عطاء د عقدې کتاب اړوند موضوعات وړاندې کړل. نوموړي د الله تعالی پر وحدانیت، د تقدیر پر پېژندنه او د تقدیر پر ډولونو هر اړخيز بحث وکړ. یادونه یې وکړه، چې الله تعالی انسان د عبادت، خلافت او امارت لپاره پر ځمکه پیدا کړی دی.
ورپسې د محصلانو چارو مرستیال محمد اشرف غیرت د « د علمي برنامو کلنۍ ارزونې بیا کتنې » تر عنوان لاندې سیمینار وړاندې کړ، چې په کې د تضمین کیفیت سیستم لنډه کتنه، د علمي پروګرامونو د کیفیت ارزونه، د علمي برنامو بیا کتنه او نور اړوند موضوعات باندې بشپړ معلومات وړاندې کړه.
دغه سیمینارونه د استادانو د علمي ظرفیت لوړولو او د پوهنتون تضمین کیفیت د بهیر لا پیاوړتیا په موخه تنظیم شوي وو، ترڅو استادان د یادو موضوعاتو په اړه خپلې علمي او مسلکي پوهې ته پراختیا ورکړي.
د سیمینارونو په پای کې ګډونوالو ته د پوښتنو کولو موقع ورکړل شوه، چې د سیمینارونو وړاندې کوونکو د هغوی پوښتنو ته قناعت بښونکي ځوابونه وړاندې کړل.
د افغان نړیوال اسلامي پوهنتون اداره هڅه کوي، چې د استادانو او کارکوونکو د علمي او مسلکي ظرفیت د لوړولو په موخه په راتلونکې کې هم ورته علمي او مسلکي سیمینارونه په منظم او دوامداره ډول ترسره کړي.
۱۳/۲/۱۴۴۸ هـ.ق
۶/۵/۱۴۰۵ هـ.ش
د نشراتو عامه اړیکو آمریت
