د نصاب عمومي کمېټې میاشتنۍ غونډه ترسره شوه.
د نصاب عمومي کمېټې میاشتنۍ غونډه ترسره شوه.
د افغان نړیوال اسلامي پوهنتون د نصاب عمومي کمېټې میاشتنۍ غونډه، د علمي چارو معاونیت تر چتر لاندې ترسره شوه.
په دې غونډه کې د پوهنتون علمي چارو مرستیال پوهنوال دوکتور عبدالواحد لیاقت، د محصلانو چارو مرستیال شیخ عبدالمالک نیازی، د زراعت پوهنځي رئیس پوهنوال دوکتور حمیدالله یونسې، او د نصاب عمومي کمېټې غړو ګډون درلود.
غونډه د دوکتور عبدالواحد لیاقت د پرانیستونکې وینا په ترڅ کې پیل شوه. نوموړي د غونډې موخې، اجنډا، او د نصاب د معیاري کېدو پر اړتیا مفصلې څرګندونې وکړې.
په غونډه کې پر یو لړ مهمو علمي او اداري موضوعاتو بحث وشو، چې له ډلې یې د درسي څانګو نومونو نړیوالو ژبو ته اړول، د لوړو زده کړو وزارت د نصاب ریاست سره د مضامینو په سافټ اوهارډ بڼو شریکول، او نور اړوند مسایل شامل وو. ګډونوالو یاده اجنډا له بېلابېلو زاویو وڅېړله او د اغېزناک تطبیق لپاره عملي وړاندیزونه وړاندې کړل.
یادونه باید وشي، چې د افغان نړیوال اسلامي پوهنتون اداره د علمي معیارونو د لوړولو، نصاب د عصري اړتیاوو مطابق تنظیم، او د محصلینو لپاره د معیاري درسي چاپېریال د رامنځته کولو په موخه دوامداره هڅې کوي.
د نشراتو او عامه اړیکو آمریت
