د امیر المـؤمنین حفظه الله تعالی ورعاه د فرامینو تدریس او تشریح تر عنوان لاندې سیمینار ترسره شو
د امیر المـؤمنین حفظه الله تعالی ورعاه د فرامینو تدریس او تشریح تر عنوان لاندې سیمینار ترسره شو.
د افغان نړیوال اسلامي پوهنتون علمي چارو معاونیت اړوند د استادانو مسلکي پراختیا مرکز آمریت لخوا د امیر المـؤمنین حفظه الله تعالی ورعاه د فرامینو د تدریس او تشریح" تر عنوان لاندې یو ورځنی سیمینار ترسره شو.
یاد سیمینار د پوهنتون د سرپرست رئیس، محترم پوهندوی دوکتور رفیع الله عطاء لخوا وړاندې شو، چې پکې د پوهنتون د معاونیتونو مرستیالانو، د پوهنځیو رئیسانو او استادانو ګډون کړی و.
په دغه علمي سیمینار کې د امیر المـؤمنین حفظه الله تعالی ورعاه له لورې د مطبوعاتو اړوند توشیح شوي فرمان ته ځانګړې پاملرنه وشوه، او د یاد فرمان په رڼا کې د شریعت مطابق د مطبوعاتو د نشر، د ذیروح انځورونو د خپرېدو، او د اسلامي، ملي او اخلاقي ارزښتونو خلاف د مطالبو د خپراوي پر موضوعاتو مفصل وضاحت وړاندې شو.
د غونډې په پای کې یادونه وشوه، چې د پوهنتون اداره ژمنه ده، د امیر المـؤمنین حفظه الله تعالی ورعاه فرامین به د مختلفو علمي، تعلیمي او پوهاوي میتودونو له لارې تشریح او عامه ذهنونو ته ورسوي.
د نشراتو او عامه اړیکو آمریت
