د تضمین کیفیت لوړونې نوبتي غونډه ترسره شوه
د تضمین کیفیت لوړونې نوبتي غونډه ترسره شوه
په افغان نړیوال اسلامي پوهنتون کې د علمي چارو معاونیت تر چتر لاندې د تضمین او کیفیت آمریت له لوري د تضمین کیفیت د لوړونې نوبتي غونډه ترسره شوه.
چې د علمي چارو مرستیال پوهندوى دوکتور عبدالواحد لیاقت د تضمین کیفیت کمېټې غړو، د پوهنتون معاونینو او د پوهنځیو رئیسانو ګډون کړى وو.
غونډه د قرآن کریم په مبارکو آیتونو سره را پېل شوه. ورپسې د علمي چارو مرستیال لیاقت صاحب، چې د غونډې مشري یې کوله ګډونوالو ته د ښه راغلاست تر څنګ په پوهنتون کې د تضمین کیفیت اهمیت او ارزښت په اړه لنډه وینا وکړه.
د غونډې په جریان کې د یاد آمریت له لوري د معاونیتونو، پوهنځیو او ډیپارټمنټونو لپاره د ارزونې چمتو شوي چیک لیستونه وړاندې شول، چې د ګډونوالو له خوا تائید شول.
همدارنګه پرېکړه وشوه، چې له یادو چیک لیستونو سره سم به ټول معاونیتونه، پوهنځي او ډيپارټمنټونه ارزول کېږي، چې د دې ارزونې د تطبیق لپاره یوه ځانګړې کمېټه هم وټاکل شوه.
هېره دې نه وي، چې د علمي چارو معاونیت تر چتر لاندې د کیفیت لوړونې آمریت هره میاشت دا ډول غونډې د پوهنتون د کیفیت او اعتبار د لا لوړولو په موخه ترسره کوي.
د نشراتو او عامه اړیکو آمریت
